ՀՀ ՔՏՀԱ տեսչական մարմինը փետրվարի 1-11-ը մայրաքաղաքի 12 վարչական շրջաններում դիտարկել է 373 տրանսպորտային միջոց

ՀՀ քաղաքաշինության, տեխնիկական և հրդեհային անվտանգության տեսչական մարմինը այսօր՝ փետրվարի 𝟏𝟏-ին վերահսկողական աշխատանքներ է  իրականացրել Երևանի Էրեբունի վարչական շրջանում։  Տրանսպորտային անվտանգության մասնագետների կողմից դիտարկվել է Էրեբունի վարչական շրջանով ուղևորափոխադրում իրականացնող 𝟑𝟕 տրանսպորտային միջոց, որի արդյունքում հայտնաբերվել է հակահամաճարակային կանոնների խախտման 𝟒 դեպք, որոնց հիմքով կազմվել են վարչական արձանագրություններ։ Նշենք, որ փետրվարի 𝟏-𝟏𝟏-ն ընկած ժամանակահատվածում Տեսչական մարմինը դիտարկել է մայրաքաղաքի 𝟏𝟐 վարչական շրջաններով ուղևորափոխադրում իրականացնող 𝟑𝟕𝟑 տրանսպորտային միջոց, կազմել 𝟑𝟓 վարչական արձանագրություն։  Հանրային տրանսպորտի նկատմամբ վերահսկողությունը կլինի շարունակական։