ՀՀ ՔՏՀԱ տեսչական մարմնի այցը՝ Կարեն Դեմիրճյանի անվան Մարզահամերգային համալիր

ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավար Գեղամ Շախբազյանի՝  փետրվարի 𝟐𝟏-ի հանձնարարականով՝ Տեսչական մարմնի ղեկավարի տեղակալ Արազ Պապիկյանը, տեխնիկական և հրդեհային անվտանգության վարչության նորմատիվ-տեխնիկական փաստաթղթերի վերահսկողության բաժնի պետ Վարդան Մանուչարյանը և նույն վարչության փորձագետ Արմեն Հովակիմյանը, Երևանի տարածքային բաժնի տեխնիկական և հրդեհային անվտանգության բաժանմունքի պետի պաշտոնակատար Կարեն Կարապետյանը՝ ՔՏՀԱ տեսչական մարմնի ղեկավար Գեղամ Շախբազյանի գլխավորությամբ տեխնիկական և հրդեհային անվտանգության նորմատիվ իրավական ակտերի պահանջների կատարման և պահպանման վիճակն ուսումնասիրելու  նպատակով այց են  կատարել Կարեն Դեմիրճյանի անվան Մարզահամերգային համալիր։ 
Այցի ընթացքում Մարզահամերգային համալիրի ղեկավար կազմին և սպասարկող անձնակազմին Տեսչական մարմնի մասնագետների կողմից տրվել է համապատասխան խորհրդատվություն՝ հրդեհային անվտանգության կանոնների պահպանման վերաբերյալ։
Տեսչական մարմինը՝ ի դեմս ղեկավար Գեղամ Շախբազյանի, պատրաստակամություն է հայտնել՝ անցկացվելիք մեծամասշտաբ միջոցառումներին ընդառաջ՝ շարունակել համագործակցությունը Մարզահամերգային համալիրի ղեկավար կազմի հետ։