Քննարկում՝ էներգետիկ ոլորտի գործունեությունը կարգավորող իրավական ակտերի նախագծերի շուրջ

Մայիսի 18-ին ՀՀ տարածքային կառավարման և ենթակառուցվածքների նախարարությունում էներգետիկ ոլորտը ներկայացնող շահագրգիռ կառույցների  մասնակցությամբ տեղի ունեցավ ոլորտը կարգավորող  իրավական ակտերի  նախագծերի շուրջ քննարկում։ Նախագծերի վերաբերյալ շահագրգիռ գերատեսչությունները, այդ թվում՝  ՀՀ քաղաքաշինության, տեխնիկական և հրդեհային անվտանգության տեսչական մարմինը, ներկայացրել էին մի շարք առաջարկներ ու  դիտողություններ։

Հանդիպմանը ՔՏՀԱ տեսչական մարմնից մասնակցում էին Էներգետիկայի և էներգասպառման վերահսկողության վարչության պետի տեղակալ Արսեն Դանիելյանը և վարչության մասնագետներ։ 

Քննարկմանը Ա․Դանիելյանը ներկայացրեց մշակվող իրավական ակտերի վերաբերյալ արված առաջարկությունների հիմնավորումները, որոնք միտված են  էներգատեղակայանքների անվտանգ շահագործմանը, ինչպես նաև ներտնային գազասպառման համակարգում առկա ռիսկերի  նվազեցմանը և հնարավոր պատահարների կանխարգելմանը։

Հավելենք, որ վերոնշյալ իրավական ակտերի վերաբերյալ քննարկումները կլինեն շարունակական։