ՀՀ ՔՏՀԱ տեսչական մարմնի ղեկավարը Սյունիքի մարզ այցի ընթացքում ծանոթացավ «Նորավան» և «Շինուհայր» ենթակայաններում ընթացող շինարարական աշխատանքներին

ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավար Գեղամ Շախբազյանը, էներգետիկայի և էներգասպառման վերահսկողության վարչության պետ Բագրատ Մուրադյանը, Տարածքային կառավարման և ենթակառուցվածքների նախարարի խորհրդական Կարեն Սարգսյանի և «Բարձրավոլտ էլեկտրացանցեր» ՓԲ ընկերության գլխավոր ճարտարագետ Լևոն Ադամյանի հետ միասին այցելեցին Սյունիքի մարզ։

Այցի նպատակը «Նորավան» ենթակայանի շինարարական աշխատանքներին ծանոթանալն էր։

Ենթակայանի աշխատանքներն իրականացվում են «Բարձրավոլտ էլեկտրացանցեր» ՓԲԸ-ի կողմից՝ «Իրան-Հայաստան 400 կվ երրորդ էլեկտրահաղորդման գիծ և համապատասխան ենթակայան» օբյեկտի շինարարության ծրագրի շրջանակներում։

Հանդիպման ընթացքում այցելություն կատարվեց նաև «Շինուհայր» ենթակայան, որտեղ «Բարձրավոլտ էլեկտրացանցեր» ՓԲԸ-ի աշխատակիցները Տեսչական մարմնի ղեկավարին ներկայացրեցին կատարվող աշխատանքների ընթացքը։

Հանդիպման ավարտին Գեղամ Շախբազյանը Տեսչական մարմնի Սյունիքի տարածքային բաժնի աշխատակիցներին ցուցումներ տվեց հետագա կատարվող շինարարական աշխատանքների  նկատմամբ ընթացիկ վերահսկողություն իրականացնելու վերաբերյալ։