ՀՀ վարչապետի աշխատակազմի ղեկավար Արայիկ Հարությունյանը մասնակցեց ՀՀ քաղաքաշինության, տեխնիկական և հրդեհային անվտանգության տեսչական մարմնի կառավարման խորհրդի նիստին

Նոյեմբերի 29-ին տեղի ունեցավ ՀՀ քաղաքաշինության, տեխնիկական և հրդեհային անվտանգության տեսչական մարմնի կառավարման խորհրդի նիստը, որին մասնակցում էր ՀՀ վարչապետի աշխատակազմի ղեկավար Արայիկ Հարությունյանը։

Վարչապետի աշխատակազմի ղեկավարն առանձնակի կարևորեց Տեսչական մարմնի վերահսկողության ներքո գտնվող բնագավառներում գործունեություն ծավալող տնտեսավարողների, տեղական ինքնակառավարման մարմինների, ինչպես նաև քաղաքացիների՝ իրազեկվածության մակարդակի բարձրացման հարցը։

 Նիստին ՔՏՀԱ տեսչական մարմնի ղեկավար Գարեգին Խաչատրյանը ըստ ոլորտների ամփոփեց 2022 թ. անցած 9 ամիսներին կատարված աշխատանքները, ներկայացրեց 2023 թ. նախատեսվող ռիսկի հիման վրա ստուգումների ծրագիրը։