ՀՀ ՔՏՀԱ տեսչական մարմինը հոկտեմբերի 𝟐𝟎-ից դեկտեմբերի 𝟓-ը հանրապետության տարածքում կշռել է 𝟏𝟏𝟑𝟕𝟑 տրանսպորտային միջոց

ՀՀ քաղաքաշինության, տեխնիկական և հրդեհային անվտանգության տեսչական մարմինը շուրջօրյա գրաֆիկով շարունակում է միջպետական, հանրապետական նշանակության ավտոճանապարհներով ծանրաքաշ և մեծ եզրաչափերով բեռնափոխադրումներ իրականացնող տրանսպորտային միջոցների նկատմամբ խստացված վերահսկողության իրականացումը։  

𝟐𝟎𝟐𝟐թ․ հոկտեմբերի 𝟐𝟎-ից դեկտեմբերի 𝟓-ը ՏՄ տրանսպորտային անվտանգության մասնագետները  կշռման 𝟐  անշարժ հենակետերում  և շարժական կշեռքների միջոցով իրականացրել են  ընդհանուր առմամբ 𝟏𝟏 𝟑𝟕𝟑 կշռում, կազմել՝  𝟔𝟕𝟐 վարչական արձանագրություն։ Մասնավորապես՝ նշված ժամանակահատվածում Սյունիքի մարզի Սիսիան քաղաքի կշռման անշարժ հենակետում  կշռվել է 𝟏𝟎 𝟕𝟑𝟕  տրանպորտային միջոց, արձանագրվել է իրավախախտման 𝟓𝟖𝟗 դեպք։

Արմավիրի մարզի, մասնավորապես` Երևան-Էջմիածին ավտոմայրուղու 𝟏𝟔-րդ կմ հատվածում տեղակայված կշռման անշարժ հենակետում կատարվել է 𝟔𝟏𝟗 կշռում, կազմվել է 𝟕𝟏 արձանագրություն։  

Տեսչական մարմինը տրանսպորատային միջոցների կշռում իրականացրել է նաև շարժական կշեռքների միջոցով։ Մարզի տարբեր հատվածներում շարժական կշեռքների միջոցով կշռվել է 𝟏𝟔 տրանսպորտային միջոց, որի արդյունքում 𝟏𝟒 տրանսպորտային միջոցի վարորդի նկատմամբ կազմվել է վարչական արձանագրություն։

Նշենք, որ ՀՀ ՔՏՀԱ տեսչական մարմնի կողմից ծանրաքաշ և մեծ եզրաչափերով բեռնափոխադրում իրականացնող տրանսպորտային միջոցների  նկատմամբ տեսչական վերահսկողությունն ամենօրյա է՝ 𝟐𝟒 ժամյա ռեժիմով։