Ի ԳԻՏՈՒԹՅՈՒՆ ԵԱՏՄ ԱՆԴԱՄ ՉՀԱՆԴԻՍԱՑՈՂ ՊԵՏՈՒԹՅՈՒՆՆԵՐԻ (ԵՐՐՈՐԴ ԵՐԿՐՆԵՐ) ԱՆՎԱՎՈՐ ՏՐԱՆՍՊՈՐՏԱՅԻՆ ՄԻՋՈՑՆԵՐ ՇԱՀԱԳՈՐԾՈՂՆԵՐԻ

ՀՀ կառավարությունը  2022 թ․ դեկտեմբերի 1-ի  N 1872-Ն որոշմամբ  հաստատել է ԵԱՏՄ անդամ չհանդիսացող պետությունների (երրորդ երկրներ)  անվավոր տրանսպորտային միջոցներ արտադրողների պաշտոնական ներկայացուցիչների կողմից Հայաստանի Հանրապետություն ներմուծվող (ներմուծված), ՀՀ-ում արտադրված, ՀՀ-ում շրջանառության մեջ դրվող անվավոր տրանսպորտային միջոցներին (այսուհետ՝ տրանսպորտային միջոց) ներկայացվող պահանջները և դրանց համապատասխանության գնահատման կանոնները։

Ըստ այդմ՝ ներմուծված տրանսպորտային միջոցների ռեեստրի ձևավորման ու վարման գործընթացն ապահովելու է «Ստանդարտացման և չափագիտության ազգային մարմին» ՓԲԸ-ն, իսկ տրանսպորտային միջոցներին ներկայացվող պահանջների կատարման նկատմամբ վերահսկողությունը  վերապահվել է  ՀՀ քաղաքաշինության, տեխնիկական և հրդեհային անվտանգության տեսչական մարմնին։

Կանոններին կարող եք ծանոթանալ հետևյալ հղումով՝  https://www.e-gov.am/gov-decrees/item/39440/