ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ, ՏԵԽՆԻԿԱԿԱՆ ԵՎ
ՀՐԴԵՀԱՅԻՆ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ
ՀՐԴԵՀԱՅԻՆ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ
2023 թ․ փետրվարի 3-ին տեղի ունեցավ ՀՀ քաղաքաշինության, տեխնիկական և հրդեհային անվտանգության տեսչական մարմնի կառավարման խորհրդի՝ 2023 թվականի առաջին նիստը։
Նիստը վարում էր ՔՏՀԱ տեսչական մարմնի կառավարման խորհրդի նախագահ, Արտակարգ իրավիճակների նախարար Արմեն Փամբուխչյանը:
Նիստի օրակարգում ընդգրկված էր 5 հարց։
Օրակարգի առաջին հարցը՝ ՀՀ ՔՏՀԱ տեսչական մարմնի 2022 թվականի տարեկան հաշվետվության քննարկումը և հաստատումն էր։
Տեսչական մարմնի ղեկավար Գարեգին Խաչատրյանը խորհրդի անդամներին ներկայացրեց ՔՏՀԱ տեսչական մարմնի վերահսկողության ոլորտներում 2022 թվականին կատարված վերահսկողական միջոցառումների, իրականացված ստուգումների, դիտարկում-հետազոտությունների, ՏՄ կողմից բացահայտված իրավախախտումների, և կիրառված պատասխանատվության միջոցների, դատական գործերի, դիմում-բողոքների վերաբերյալ ընդնահուր վիճակագրությունը և վվերլուծությունը, ինչպես նաև իրականացված իրազեկման և խորհրդատվական միջոցառումները։
Օրակարգի մյուս հարցերը վերաբերում էին ՀՀ ՔՏՀԱ տեսչական մարմնի որակի ապահովման վարչության 2022 թվականի 3-րդ եռամսյակի հաշվետվության, Տեսչական մարմնի 2022 թվականի 4-րդ եռամսյակի գործունեության կատարողականի գնահատման նախագծի, ինչպես նաև Տեսչական մարմնի գնումների պլանում փոփոխությունների իրականացման ներկայացմանը և քննարկմանը։
Օրակարգային բոլոր հարցերի շուրջ ծավալվեց ակտիվ քննարկում, Խորհրդի անդամների կողմից ներկայացվեցին առաջարկություններ։
Հաշվի առնելով Խորհրդի անդամների առաջարկությունները՝ ՀՀ ՔՏՀԱ տեսչական մարմնի 2022 թվականի տարեկան հաշվետվությունը, ինչպես նաև օրակարգով քննարկման դրված երկու հարցը ընդունվեց Խորհրդի կողմից, մեկ հարց դրվեց էլեկտրոնային քվեարկության։
