Տեղի ունեցավ ՀՀ ՔՏՀԱ տեսչական մարմնի հերթական գործակարգավարական խորհրդակցությունը

Սույն թվականի մայիսի 29-ին ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավար Գարեգին Խաչատրյանի գլխավորությամբ տեղի ունեցավ ընդլայնված  կազմով հերթական գործակարգավարական խորհրդակցությունը։

Աշխատանքային խորհրդակցությանը մասնակցում էին Տեսչական մարմնի ղեկավարի տեղակալներ Արազ Պապիկյանը, Սուրեն Մինասյանը, ՏՄ կառուցվածքային  և տարածքային ստորաբաժանումների ղեկավարները։

Օրակարգում ընդգրկված էին Տեսչական մարմնի տարեկան ստուգումների ծրագրով  իրականացված ընթացիկ վերահսկողական աշխատանքներին, ՏՄ  վերահսկողության ոլորտներում  անվտանգության  նորմերի նկատմամբ կատարված ուսումնասիրություններին, ստուգումներին և հետազոտություններին  վերաբերող հարցեր։

Տեսչական մարմնի ղեկավարի տեղակալները՝ յուրաքանչյուրն իր համակարգման ոլորտով, Տեսչական մարմնի ղեկավարին ներկայացրեցին տրված հանձնարարականների կատարման  ընթացքը և արձանագրված արդյունքները։

Կառուցվածքային ստորաբաժանումների ղեկավարներն առանձին ներկայացրին ընթացիկ տարեկան պլանային և գործունեության ծրագրերով նախատեսված ստուգումների, հետազոտությունների, ուսումնասիրությունների ընթացքը, արձանագրված  խնդիրները և  կիրառված պատասխանատվության միջոցները։

ՀՀ ՔՏՀԱ տեսչական մարմնի ղեկավար Գարեգին Խաչատրյանի կողմից ստորաբաժանումների ղեկավարներին տրվեցին մի շարք նոր հանձնարարականներ։