ՀՀ ԱԺ տնտեսական հարցերի մշտական հանձնաժողովում քննարկվել են բենզինի և հեղուկ գազի վաճառքի իրավակարգավորումներին առնչվող մի շարք հարցեր

 ԱԺ տնտեսական հարցերի մշտական հանձնաժողովի կողմից  կազմակերպվել էր աշխատանքային քննարկում՝ բենզինի և հեղուկ գազի վաճառքի իրավակարգավորումների թեմայով։
Քննարկմանը մասնակցել է նաև ՀՀ քաղաքաշինության, տեխնիկական և հրդեհային անվտանգության տեսչական մարմնի՝  տեխնիկական և հրդեհային անվտանգության ոլորտը համակարգող ղեկավարի տեղակալ Արազ Պապիկյանը։     
 Աշխատանքային հանդիպմանը վառելիքի վաճառքով զբաղվող, ինչպես նաև  շահագրգիռ այլ ընկերությունների և համապատասխան պետական կառույցների ներկայացուցիչները բարձրաձայնել են իրենց դիտարկումներն ու փաստարկումները։  
 Ամփոփելով քննարկումը՝ հանձնաժողովի նախագահի տեղակալ Բաբկեն Թունյանը նշել է, որ պետք է այնպես անել, որ հաշվի առնվեն և՛ տնտեսվարողների շահերը, և՛ քաղաքացիների անվտանգության ապահովման հարցերը։
Որոշվել է ՀՀ ՔՏՀԱ տեսչական մարմնի համակարգմամբ շարունակել հարցի քննարկումը՝ նպատակ ունենալով վերանայել ոլորտի կանոնակարգումները: