ՀՀ ՔՏՀԱ տեսչական մարմնի ղեկավար կազմը Սյունիքի մարզում ծանոթացել է պետական և սուբվենցիոն ծրագրերի շրջանակներում իրականացվող մի շարք շինարարական աշխատանքների ընթացքին

ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավար Գարեգին Խաչատրյանը՝ ՏՄ ղեկավարի տեղակալներ Սուրեն Մինասյանի, Արազ Պապիկյանի, քաղաքաշինական գործունեության մասնագետների հետ Սյունիքի մարզում էր։ 
ՔՏՀԱ տեսչական մարմնի ղեկավար կազմն այցի ընթացքում ծանոթացել է Սյունիքի մարզում իրականացվող և իրականացված  մի շարք սուբվենցիոն ծրագրերի իրականացման ընթացքին։ 
Տեսչական մարմնի ղեկավարը ոլորտի մասնագետների հետ մասնավորապես հետևել է Սյունիքի մարզի Շուռնուխ համայնքում պետական աջակցության ծրագրով  իրականացված և արդեն ավարտված բնակելի 13 տների շինարարության որակին, ինչպես նաև վերոնշյալ բնակելիների հարակից տարածքում նոր ճանապարհի կառուցման ընթացքին։ 
ՏՄ ղեկավարը պատասխանատուներին հանձնարարեց հետևողական լինել և խիստ վերահսկողության տակ պահել  մարզում՝ պետական և սուբվենցիոն ծրագրերի շրջանակներում իրականացվող բոլոր շինարարարական աշխատանքները։ 
Հավելենք, որ Տեսչական մարմնի կողմից նման վերահսկողական այցերը ՀՀ տարբեր մարզեր կլինեն պարբերական։