ՀՀ ՔՏՀԱ տեսչական մարմնի ղեկավար կազմը Վայոց ձորի մարզում ծանոթացել է դպրոցների ու մանկապարտեզի շենքերի կառուցման ընթացիկ աշխատանքներին

ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավար Գարեգին Խաչատրյանը՝ ՏՄ ղեկավարի տեղակալներ Սուրեն Մինասյանի, Արազ Պապիկյանի, քաղաքաշինական գործունեության մասնագետների հետ և ՏՄ Վայոց ձորի տարածքային ստորաբաժանման կազմի ուղեկցությամբ Վայոց ձորի մարզում էր։ 

ՔՏՀԱ տեսչական մարմնի ղեկավար կազմն այցի ընթացքում ծանոթացավ Վայոց Ձորի մարզում համայնք-պետություն համագործակցությամբ պետական և սուբվենցիոն ծրագրով իրականացվող մի շարք շինարարական աշխատանքների ընթացքին։

Այցի ընթացքում հայտնաբերվեցին տարաբնույթ խատումներ, ուստի Տեսչական մարմնի ղեկավարի կողմից տրվեց հանձնարարական՝ արձանագրված խախտումների հիմքով իրականացնել շենքերի համալիր ուսումնասիրություն և  քննարկել խախտումներ  թույլ տված կապալառու կազմակերպություններին լիցենզիայից զրկելու համար ՀՀ  քաղաքաշինության կոմիտե միջնորդություն ներկայացնելու հարցը։

ՏՄ ղեկավարը վերստին ընդգծեց պետական և սուբվենցիոն ծրագրերի շրջանակներում իրականացվող բոլոր շինարարական աշխատանքների նկատմամբ հետևողական լինելու և դրանք խիստ վերահսկողության տակ պահելու կարևորությունը։ 
Հավելենք, որ ՔՏՀԱ տեսչական մարմնի ղեկավար կազմն առաջիկայում նման վերահսկողական այցերով ՀՀ տարբեր մարզերում կուսումնասիրի պետական և սուբվենցիոն ծրագրերով իրականացվող մի շարք շինարարական ընթացիկ աշխատանքների  որակը։