2024 Թ. ՀՀ ՔՏՀԱ ՏԵՍՉԱԿԱՆ ՄԱՐՄՆԻ ԿՈՂՄԻՑ ՀՐԴԵՀԱՅԻՆ ԵՎ ՏԵԽՆԻԿԱԿԱՆ ԱՆՎՏԱՆԳՈՒԹՅԱՆ ԲՆԱԳԱՎԱՌՈՒՄ ԻՐԱԿԱՆԱՑՎԱԾ 9 ԱՄԻՍՆԵՐԻ ՍՏՈՒԳՈՒՄՆԵՐԻ ԱՐԴՅՈՒՆՔՆԵՐԸ

2024 թվականի 9 ամիսների ընթացքում ՀՀ ՔՏՀԱ տեսչական մարմնի ստուգումների տարեկան ծրագրով հրդեհային և տեխնիկական անվտանգության բնագավառում ստուգվել  է 93 տնտեսավարող սուբյեկտին պատկանող 96 օբյեկտներ, որոնք են ընդհանուր նշանակության պահեստներ, առևտրի, հասարակական սննդի և կառավարման հիմնարկներ, արտադրական նշանակության օբյեկտներ, բենզալցակայաններ, գազալցավորման կայաններ, հյուրանոցներ, գիտական և ուսումնական հաստատություններ, սոցիալական ապահովության կազմակերպություններ, 800 և ավելի նստատեղերով մշակույթային հիմնարկներ, զբոսաշրջության հաստատություններ։

41 օբյեկտ չի ստուգվել՝ չգործելու (ժամանակավոր դադարեցման, սնանկ կամ հաշվառումից հանված լինելու) պատճառով։ Դրանցից 14-ի մոտ իրականացվել են հրդեհատեխնիկական հետազոտություններ։

• ▪️1 ստուգում չի իրականացվել տնտեսավարողի խոչընդոտման պատճառով։ Ներկա պահին իրականացվում է վարչական վարույթ։
• ▪️15 հանձնարագրի կատարում ընթացքի մեջ է։

Բացի պլանավորված ստուգումներից, իրականացվել է նաև 7 ոչ պլանային ստուգում, որոնցից 6-ը՝ պետական մարմիններից ստացված գրությունների հիման վրա, 1-ը՝ ՀՀ Վարչապետի հանձնարարականով։

Արդյունքներ
2024 թվականի 9 ամիսների ընթացքում իրականացվել է ընդհանուր առմամբ 103 ստուգում և 92 վերստուգում, որոնց արդյունքում արձանագրվել է 685 խախտում։
Հաճախ կրկնվող խախտումներն ընդգրկում են՝

• ▪️հակահրդեհային ինքնաշխատ համակարգերի խնդիրներ՝ 160 դեպք,
• ▪️շենքերի և տարածքների հրդեհային անվտանգության պահանջների խախտումներ՝ 95 դեպք,
• ▪️հակահրդեհային ջրամատակարարման ցանցերի թերություններ՝ 62 դեպք,
• ▪️էլեկտրասարքավորումներին ներկայացվող պահանջների խախտումներ՝ 28 դեպք։

Մանրամասներ ըստ ոլորտների

• ▪️Ընդհանուր նշանակության 20 պահեստներում և բազաներում արձանագրվել է 143 խախտում։
• ▪️200 մ² և ավելի մակերեսով առևտրի և հասարակական սննդի 26 օբյեկտներում՝ 127 խախտում։
• ▪️200 մ² և ավելի մակերեսով արտադրական կազմակերպությունների 25 օբյեկտներում բացահայտվել է 141 խախտում։
• ▪️23 բենզալցակայանի ստուգումների արդյունքում բացահայտվել է 112 խախտում։
• ▪️Գազալցավորման 18 կայաններում՝ 80 խախտում։
• ▪️3 հյուրանոցում իրականացված ստուգման արդյունքում բացահայտվել է 10 խախտում
• ▪️Գիտական և ուսումնական 6 հաստատություններում բացահայտվել է 45 խախտում։
• ▪️Առողջարարական, հանգստյան տների և զբոսաշրջության հաստատությունների  տնտեսավարող սուբյեկտների մեկ օբյեկտում բացահայտվել է 8 խախտու
• ▪️800 և ավելի նստատեղերով մշակութային մեկ հիմնարկում բացահայտվել է 9 խախտում
•  Կառավարման մեկ հիմնարկում խախտումներ չեն բացահայտվել։
• ▪️Սոցիալական ապահովության մեկ կազմակերպությունում բացահայտվել է 10 խախտում

Կատարված աշխատանքներ և արդյունքներ

2024 թվականի 9 ամիսների ընթացքում իրականացված ստուգումների արդյունքում կազմվել և տրամադրվել է պարտադիր կատարման միջոցառումները և դրանց կատարման ժամանակացույցը սահմանող 69 կարգադրագիր։

Ստուգումների և վերստուգումների արդյունքում պարզվել է, որ առանց թերությունների շահագործվում է 54 սուբյեկտի 55 օբյեկտ: